Flach dance og Wig Wam
Sælt veri fólkið. Í tilefni af væntanlegu tjútti coolista hópsins næstkomandi laugardag vil ég koma með eina ábendingu. Ísafold (hljómsveitin sem var á árshátíðinni) verður á Gauknum á laugardagskvöldið. Það kostar annað hvort 0 kr. eða 800 kr. inn (kemur í ljós í dag eða á morgun). Ísafold spilar mikið af 80-tís tónlist í bland við vinsælt popp og rokk. Væri ekki kjörið að fara öll á sama skemmtistaðinn eftir partýið hjá Tótu og Guðlaugu? Persónulega langar mig á Gaukinn í sveitaballagírinn í staðinn fyrir að týna öllum út um allt í mismunandi biðraðir og enda svo á efri hæðinni á Sólon að hlusta á R&B og rapp. En að sjálfsögðu er ég engan veginn hlutlaus í þessu máli:)
Allavega hlakka ég rosalega til að sletta úr klaufunum með aðalfólkinu á laugardaginn. Svo langar mig að óska duglega fólkinu sem er að útskrifast til hamingju með áfangann. Guðlaug, Tóta, Finnur, Begga, Laila, Þórólfur, Tumi og Þorbjörg þið eruð hetjur.