Maður sér klárlega Gunna-move-ið þarna! En er það þetta sem þið gaufist við í vegagerðinni???

Var að spá í próflokadjamm! Er fílíngur fyrir hittingi áður? Ef svo er þá getum við holað okkur niður heima. Það er þarna rétt við VR svo brottfluttir nemendur ættu fljótt að komast í gírinn. Eru ekki annars flestir komnir heim þarna í kringum 21.?

Annars eru mestu snillingarnir í hópnum að fara í JAVA-próf! núna eftir tæpa klukkustund. Þeir sem náðu java-búðinga-prófinu skríða nú vonandi yfir fimmuna með ekkert of mikilli fyrirhöfn. Hoffinn er nú einu sinni verndari búðanna og kemur til með að sjá um málið! Ekki satt?

Halarófa fyrir lengra komna

Jæja Gunni, nú þarf að fara að æfa halarófuna fyrir próflokablekið, spurning hvort þú lærir ekki bara þessa utan að og takir að þér lestarstjórastöðuna eins og vanalega.
Hvað segir Gamli um það?

Sæl, og takk fyrir síðast, í dag er miðvikudagur og þið vitið öll hvað það þýðir.. jú, það er komið að miðvikudagsgetrauninni!

Ég var með í höndunum grein er kom frá landmælingum íslands. Greinin var á acrobat formi og ákvað ég að beita smá ctrl+f á skjalið áður en lestur hófst. Niðurstöðurnar voru þessar:

coordinates: total instances found: 80
prject: total instances found: 60
datum: total instances found: 53
latitude: total instances found: 36
longidute: total instances found: 24

Þá er það spurningin, hver er höfundur greinarinnar, hverrar þjóðar er hann, notar hann axlarbönd og hversu mörg orð eru eftir í skjalinu er þessi orð hafa verið tekin út?

ísbíltúr með Birgi Jóns í verðlaun

Halló halló! Ekkert að gerast á þessari síðu!

Hvað segiði annars lömbin mín? Er ekki stemmning hjá almúganum að hafa partý næstu helgi?

Ég er amk tilbúin til þess að bjóða ykkur á menningarheimili mitt næsta laugardagskvöld. Makar að sjálfsögðu velkomnir. Endilega kommentið hvort þið ætlið ekki að mæta :)

Gonsales Bajers Jeres

Eins og kemur fram í færslunni hennar Beggu hérna fyrir neðan þá verður kennarafagnaðurinn haldinn hátíðlegur þann 21. október, þá hefur þótt tíska að nemendur sem hafa farið í útskriftarferð um síðastliðið vor haldi smá myndasýningu frá ferðinni. Við Drési vorum fengnir í það verk að steypa saman þessari myndasýningu. Eins og talað var um þá áttu allir að koma 50 "bestu" myndunum til Þorbjargar,ekki hefur það tekist hjá öllum. Til þess að þessi myndasýning verði hin ágætasta skemmtan þá væri mjög gott ef þeir sem eru ekki búnir að klára sín mál ljúki þeim sem fyrst. Sigta myndirnar með 50 mm sigti(til þess að fá 50 "bestu" myndirnar),setja þær í zip-skrá, henda þeim svo á heimasvæðið sitt og senda okkur síðan urlið á þær. Segjum að fresturinn renni út laugardaginn 15.október kl 15:03. Að lokum vil ég kvetja alla þá sem geta mætt að mæta, því ég held að þetta gæti orðið fyrirmyndar bleg!!!

VÍSÍ SKVÍSÍ !!!

Ég ætlaði bara að minna ykkur á vísindaferðina í Almennu 28.október. Ég veit að kennarafagnaðurinn er helgina á undan svo nú vitið þið þetta með góðum fyrirvara og haus-leysi á kennarafagnaði er engin afsökun fyrir vöntun í almennu!! Við Þorbjörg og Soffía hlökkum voða mikið til að sjá ykkur og erum strax byrjaðar að baka ..ehh.. brugga :)

ps. ég var úti að keyra áðan og sá Birgi Jóns borða ís í bílnum við hliðina. Það held ég að sé til þess að gera sirka eitthvað af stærðargráðunni 3ja skipti sem ég sé Birgi með ís undir stýri .. merkilegt..

Ótrúlegt en satt fór mamma mín til Kenya núna í ágúst og aftur ótrúlegt en satt var hún á Indian Ocean Beach Club Hotel. Hver haldiði að þriðja tilviljunin hafi nú verið!?!
Kreditkortið hennar var falsað! Alls konar færslur frá hóteli á Ítalíu og bókakaup upp á 40.000 kr einhvers staðar í útlöndum. Þetta er aldeilis eðalhótel sem við vorum á.

Atburður vikunnar, Katrín að læðast ofseint inn í þéttsetinn tölvunarfræðidæmatíma... alltaf jafnnett á því þessi elska, læðist inn, sér engan sem hún þekkir svo hún ætlar að smjúga nett í sæti í fremstu röð, stekkur upp á borðið og hoppar ofan í sætið með skólatöskuna á bakinu... tók einhver eftir henni???

jæja stelpur eru þið ekki alltaf í gymminu að taka á því og hlaða í byssurnar eins og það kallast á hnakkamálinu, eins og við vitum öll á hefur allt sín takmörk, ég hef smá áhyggjur af ykkur þar sem þið eruð mjög metnaðarfullar, því oft er sófinn betri enn æfingin;)

Þorsteinn lét mig vita að hann setti Aswan verkefnin okkar inn á heimasíðu skorarinnar. Hélt kannski að Afríkufararnir vildu líta á þetta :)

Ég byrjaði víst á því að monta mig á hitanum hérna í Kaupmannahöfn en ég verð víst að taka það mont til baka. Ekki þó vegna þess að það sé orðið kalt heldur vegna þess að ég er að deyja úr hita! Eins og flestir vita - vegna háværu minnar - þá er hitakerfið í líkama mínum mjög ofvirkt. Sem betur fer fæddist ég ekki á Spáni en ég hefði alveg þegið Norðurpólinn til að gera þetta almennilega. Skólinn er fínn en ÉG ER AÐ DEYJA ÚR HITA!

Vona að þið hafið það gott í tveggja stiga hitanum heima;)

Myndir frá Kárahnjúkuma
Horft inn gljúfrin í átt að Kárahnjúk.


Ég fattaði það seinna að þarna stóð ég þegar ég tók fyrri myndina.



Bíllinn minn eins og hann fannst efir að ég hvarf sporlaust.


Færiböndin sem liggja frá grjótflokkunarvélunum.
Stíflan séð að neðan


Stíflan séð ofan af Kárahnjúk

Af ósk ónefnds Kenneths í bekknum hefur aðalpartíið verið fært fram á föstudag, þar sem hann komst á snoðir um það að fleiri af krúinu gætu hugsanlega mætt þá. Það breytir því þó ekki að það verður líka partí á laugardag. Fyrir þá sem ekki vita bý ég í íbúð 216 í stóru blokkinni á görðunum, sama húsi og 10-11.
Sjánst!!!

Prófloka / útflutnings / örugglegaeitthvaðfleira-partý um helgina heima hjá mér. Uppástungur að tímasetningum vel þegnar. Nánari upplýsingar koma þegar ég er búinn að wraskella straumfræðina.... stay tuned!

Pravda ekki Hressó

Hittingurinn hefur sum sé verið færður yfir á Pravda og vegna þess hve frábær við erum fáum við tilboð á bjór til miðnættis!

Sjáumst í kvöld!!!

Ágætu coolistar!

Hittingur á Hressingarskálanum föstudagskvöldið 19. ágúst. Þar fær fólk tækifæri til þess að hitta okkur burtfararfólk í hinsta sinn og faðma, kyssa og knúsa okkur að vild. Mælt er með því að fólk mæti með fyrra falli og skemmti sér gríðarlega.

Hlakka til að sjá ykkur öll!!!

Tears in my eyes.

Ef það er eitthvað sem ég þoli ekki þá eru það umbúðir sem eru hannaðar þannig að það á að vera auðvelt að opna þær, en það virkar svo ekki. Í gær keypti ég mér poka af Galaxy minstrels nammi og á honum stóð: Easy opening - Tear here. Ég grenjaði og vældi yfir helvítis pokann í svona hálftíma en ekkert gerðist og eins og alltaf endaði þetta á því að ég náði mér í skæri.

Dæmi úr greiningu 4:
Find the temperature in an infinite bar.
...ég mundi þokkalega ekki vilja vera barþjónn þarna, sama hversu heitt er!

Enginn annar en sjálfur Fidel Castro á afmæli í dag. Hann er hvorki meira né minna en 79 ára kappinn sem þýðir að hann er næst elstur í bekknum á eftir Kenneth. Fidel eða Fiddi eins og við köllum hann oftast er alger snillingur og að ég held eini maðurinn sem hefur frestað jólunum. Til hamingju með daginn Fidel!

eru ekki allir í stuði??
jæja, allir að fara í sumarpróf er það ekki? eða hvað! en þeir sem eru ekki að fara í sumarpróf og eru að fara í útlanda, á ekkert að kveðja? bara rjúka í burtu án þess að segja bless! það væri nú stemmari að halda e-ð teiti eða bara hitting? hvað segir gengið um það?

Ég eyddi helginni á trampólíni, hvað gerðuð þið?

Ætla ekki örugglega allir til eyja hnoðrarnir mínir! Það er nú orðið way to long síðan ég hef hitt ykkur og þess vegna er um að gera að taka þjóðhátíðarlagið um helgina!


Þú ert úldinn sokkur og enginn elskar þig

þú ert úldinn sokkur og fýlan eftir þig

Þú ert úldinn sokkur oj ekki snerta mig

Því ég er boxer nærbuxur og allir elska mig

Því ég er boxer nærbuxur og allir elska mig....



....styttist í eyjar :) (frumsamið fyrir eyjar 2001 ;)

Kv Inga

Ef þið eruð ekki búin að fá ímeil frá mér þá megið þið láta mig vita. Ég sendi á alla í dag en það var einhver hundur í póstinum og ég fékk einhver warning skilaboð um að pósturinn hefði ekki farið af stað, en ég veit samt að einhverjir eru búnir að fá hann. Annað var það ekki nema bara að reka á eftir ykkur að hundskast til að finna bestu myndirnar ykkar og láta Þorbjörgu hafa þær :)
Svo vil ég líka óska eftir hamingjuóskum því ég var að fá leigða flottustu íbúð í heimi sem ég flyt inn í með Hönnu systur minni 1. september ....sjibbííí!!!

Myndakvöld!
Hvað segiði um myndakvöld næsta miðvikudagskvöld, þann 27. júlí? Ef það verða ekki sterk mótmæli gegn þeirri tímasetningu hérna í dag þá ætla ég að senda ímeil og sms á alla og láta vita. Er ekki fín tímasetning að byrja kl. 19:30? Þá er alveg öruggt að svona slóðar eins og Tóta sem alltaf mæta of seint séu mættir kl. 20:00 í síðasta lagi. Við verðum þá að senda Þorbjörgu best of myndirnar (ca. 50 stk. á mann) á mánudagskvöld þannig að hún hafi tíma til að græja þær í tíma. Ég veit ekki hvort hi-pósturinn hennar höndlar svona mikið af drasli en við finnum einhverja aðferð til að redda þessu.

Ég hata amerískar kennslubækur:

The language [Fortran] was developed in the mid 1950's, and even as late as 1975, most Fortran programs were punched on 80-column cards rather than edited on video screens. May it rest in peace (og svo sýna þeir mynd af gömlu gataspjaldi).

Þvílíkt tilfinningaflæði! Haldiði að við eigum eftir að sakna proctor-prófsins árið 2050 þegar það verður búið að finna eitthvað betra upp!?!

Ég hef nú alveg klikkað á því hingað til að setja ferðasöguna frá Afríku á vefinn, en til að minnka samviskubitið ætla ég að deila með ykkur hápunkti ferðarinnar.

Allt frá blautu barnsbeini hefi ég borið þann draum í brjósti að fara í Safarí. Eftirvæntingin var heldur ekki lítil þann morguninn þegar safaríbílarnir biðu hnarreistir fyrir utan hótelið okkar í Mombasa. Fílar, buffalóar, nashyrningar, allt var þetta ágætt, en eins og við flest var ég spenntastur fyrir kattardýrunum og suðaði langtímum saman í honum Madji, safaríbílstjóranum okkar, um að finna fleiri ketti. Loksins þegar ég var búinn að dæla í hann silljón kenískum skildingum ljet hann undan mjer og bíllinn okkar læddist með lymskulega út úr halarófunni, beygði út af veginum og inn á leynistað sem einungis Madji og þrír aðrir safaríbílstjórar í öllum heiminum vita um.

Taugarnar á okkur voru spenntar sem yfirstillt C-dúrsfiðla og allar myndavélar á lofti. Bíllinn liðaði rólega eftir sljettunni og þá loksins birtist hann í allri sinni dýrð, hlébarðinn, og hin heilaga fimmund hafði loksins náð hinum fullkomna samhljómi. Madji stöðvaði bílinn og benti okkur síðan spenntur á antílópu sem Hljebarðinn horfði slefandi á. Mér varð um og ó fyrir hönd antílópunnar (enda er ég þekktur fyrir það að vera vinur jafnt dýra sem manna og að vilja hvorugu ekkert illt). Þegar hljebarðinn stökk síðan af stað grýtti ég frá mér myndavélinni og svo man ég ekkert fyrr en sá Madji bograndi yfir mér.

- John are you alright?? You are crazy! you may never do this thing again.

-En antilópan!! En antólópan!!
Öskraði ég taugaveiklingslega og hristi og skók tröllvaxinn svertingjann sem bara brosti og sagði síðan Hakuna matata, og öllu fargi var af mjer ljett.

Sem betur fer náði Begga þessu öllu á Video.

Hérna er ,,video" frá Kenýa.

Gott blek í gærkvöldi!
Highlights:
Gamli átti erfitt með að fóta sig á í nýbónuðu gólfinu hjá Mr. Vík.
Svartur maður hjólaði upp í fánastöng á bláu reiðhjóli með lásinn inn-út-inn-inn-út til að fagna vel sungnum þjóðsöng Íslendinga. Hann var ekki ennþá kominn alla leið aftur niður um hádegið daginn eftir.
Best þökulagða malbik í þremur sýslum sem náðist því miður ekki á mynd.
Gaui fékk blautan göndul og kippti sér ekkert upp við það en hefndi sín svo seinna.
Kenni sofnaði í ruslapoka á gólfinu.
Hvítur jakki!!!
Smári kom sterkur inn.
Við Beggi enduðum í ruglinu eftir að ég sigraði blautbolskeppnina á Nasa.

Upphitun!
Gunni kom til mín áðan og tilkynnti mér að það væri blek heima hjá mér á laugardagskvöldið. Begga sagði að hann hefði ákveðið þetta í gærkvöldi. Nú þegar hafa nokkrar hetjur boðað komu sína, t.d. ég sjálfur, Kenni, Tumi, Dolli, Begga, Gaui og svo auðvitað Gunni ...og kannski einhverjir fleiri, ég man það ekki.
Endilega látið þetta berast til allra og að sjálfsögðu eru öll bekkjarviðhengi velkomin með líka. Gunni nefndi nú ekki neinn sérstakan tíma þannig að ef hann ljóstrar honum ekki upp hérna, þá megið þið bara ráða því sjálf hvenær þið mætið.
Auf viedersehen

Þar sem við höfum ekki öll jafn lítið að gera í vinnunni og Tóta og erum því ekki búin að koma Afríkumyndunum okkar á netið vil ég stinga upp á því að við höldum myndakvöld við tækifæri. Um helgar eru alltaf allir í útilegum og sumarbústöðum og bókhlöðum og svoleiðis rugli þannig að það er eflaust best að taka einhvern virkan dag í þetta. Allar uppástungur um tímasetningar eru vel þegnar. Samt ekki fyrr en er búið að safna saman myndum til að skoða.
Þorbjörg var búin að bjóðast til þess að safna saman svona “best of” myndum frá öllum og setja á disk. Þannig að allir þurfa að fara að skoða myndirnar sínar, Íris líka, og finna svona ca. 50 bestu myndirnar (ef ykkur finnst það of mikið segið þá til). Ég held að allir séu sammála um það að við erum með það nokkuð á hreinu hvernig súlur, pýramídar, fílar og sebrahestar líta út svo að þannig myndir verða að vera alveg einstaklega vel heppnaðar til að komast í “best of” pakkann.
Það er ekkert stress að gera þetta alveg á stundinni en Gaui, Laila og Andrés þurfa samt örugglega að setjast fljótlega við skannann með bunkana sína ef þetta á að vera tilbúið fyrir jól. Svo dembum við þessu bara öllu á Þorbjörgu. Gummi, Gummi og Gunni ef þið eruð búnir að klippa til einhver vídeó væri beisik að kíkja á þau líka.
Mín hugmynd er að við hittumst í stofunni okkar í VR einhvern tíma þegar allir eru búnir að vinna (t.d. klukkan svona átta) og nýtum okkur hátæknilega skjávarpaaðstöðu sem þar er í boði. Þegar við erum búin að hlæja úr okkur lungun þar getum við svo rölt niður á garða heim til mín og fengið okkur einn eða fimm öllara og snúið sófanum mínum í átt að Mecca. Ég vil minna á að strætó gengur alveg heillengi á virkum dögum og það er alltaf hressandi að vera pínu þunnur í vinnunni svo slíkar afsakanir eru ekki ásættanlegar. Drykkjulæti eru líka leifileg þar sem ég flyt hvort sem er út eftir nokkrar vikur.
Ég legg til að heiðursgestur myndakvöldsins verði Þorsteinn Þorsteinsson sem eins og allir vita fór á kostum í ferðinni. Svo eru auðvitað allir vitleysingarnir sem skrópuðu í ferðinni velkomnir líka að sjá hvað við hinir vitleysingarnir gerðum í Afríku. Það verður ekki strangt dress code en stelpur verða að vera með berar axlir og fara inn á skónum.
Að sjálfsögðu er skyldumæting hjá öllum Afríkuförum, og ekki væri verra að tímasetja þetta þannig að hetjur sem eru að baka drullukökur á Kárahnjúkum, mæla flugvelli í Kósóvó eða annað slíkt geti mætt líka.
Endilega segið það sem ykkur liggur á hjarta í kommentin, Tóta, hérna er tilvalið að rífast aðeins. Annars getum við spjallað um þetta líka á þriðjudaginn þegar við förum að dreifa blöðum upp í vindinn. Látið endilega fólk sem les ekki bloggið vita af þessu.
Hasta la pasta

Búin að setja inn nokkra daga í viðbót af Afríkuferðinni inn á myndasíðuna mína:

http://pg.photos.yahoo.com/ph/totasigur/my_photos

Hún Berglind litla Rósa á afmæli í dag og því vil ég nota tækifærið til að segja:

TIL HAMINGJU MEÐ AFMÆLIÐ!

Hæ hæ öll og takk fyrir síðast!
Þetta var snilldardagur og alveg frábært kvöld. Hefði ekki getað verið skemmtilegra!

Úr einu í annað, ég fékk undarlega símhringingu áðan frá MasterCard þar sem ég var spurð hvort ég hefði nokkuð verið í útlöndum um síðustu helgi. Þá er sum sé búið að falsa kortið mitt og nota það í Bretlandi fyrir 100.000 kall! Kannski þið tékkið á færlsunum ykkar áður en þið borgið reikningana!

Klukkan er 22:25 fimmtudagskvöldið 23. júní.
Nú eru eftir 36 miðar á Skóga.
Spurning um að tryggja sér síðustu miðana.

Ég vil bara minna á útskriftarpartý okkar útskriftarnemanna á laugardagskvöldið. Teitið hefst klukkan níu heima hjá foreldrum Tótu, Arnarhrauni 38 í Hafnarfirði. Við höfum smá áhyggjur af því að ekki lesi allir bloggið svo endilega kommentið þegar þið eruð búin að lesa þetta svo við sjáum hverjir vita af þessu. Og svo bara að láta berast...!

Þetta verður stuð, stuð, stuð!!!

Hlökkum til að sjá ykkur,
Stuðlaug og Tótalí ;)

Vantar ykkur vinnu???

Teiknistofan Óðinstorgi óskar eftir að ráða verk- eða tæknifræðimenntaðan einstakling í vinnu strax... við erum að tala um vinnu í sumar og eitthvað áfram (jafnvel framtíðarvinnu)! Ef ykkur sjálf eða einhvern sem þið þekkið vantar vinnu þá hafiði endilega samband við Teiknistofuna Óðinstorgi (s: 510-2200) og fáið að tala við Gústaf!! Skemmtileg vinna á góðum stað í bænum (101).

Kv. Malla

Í gær var ég með:

-133 fléttur í hárinu á mér

-185 gr af gervihári

...en ekki í dag - puhu!

Við pæjurnar ætlum að bjóða í útskriftar-bekkjarpartí næstkomandi laugardag - þann 25.júní - heima hjá foreldrum Tótu á Arnarhraun 38 í Hafnarfirði. Mæting um níuleytið og megadjamm fram eftir öllu! Látiði þetta berast ef þið vitið um einhverja sem lesa bloggið ekki oft!

Skyldumæting.

Guðlaug og Tóta

Anything to declare? - Yeah don't go to Akureyri.

Ég fór frekar misheppnaða ferð til Akureyrar núna um helgina. Ástæðurnar eru þrjár:

1) Veðrið var ekki neitt til að hrópa húrra fyrir => The Tan-Plan fór út um þúfur.

2) Mér tókst að missa af síðasta og jafnframt áhugaverðasta skemmtiatriðinu í skipulagðri hátíðardagskrá á 17. júní sem var fjöldaslagsmál bæjarbúa.

3) Engu að síður tókst mér að láta lemja mig kvöldið eftir þannig að núna get ég ekki hlegið og ég hljóma eins og ég sé þroskaheftur ef ég reyni að segja orð sem eru með effi í.

Niðurstaða helgarinnar: Að fara til Akureyrar er léleg hugmynd!

Gunni: ég fékk lánaða viftuna þína! Litlu munaði að ég yrði fyrir varanlegum heilaskemmdum vegna súrefnisleysis hér á Smyrilsveginum og ekki má ég nú við því! Þú veist bara af henni hjá mér ef þú þarft á henni að halda.

Annað: Sá Þorstein Þorsteinsson tilsýndar í gær - hefur einhver hugmynd um hvenær við eigum að skila Aswan-verkefninu?

Myndir
hæ og takk fyrir síðast, ég er byrjuð að dúndra inn myndum, fyrstu 3 dagarnir komnir.. gengur hægt, er nebblega ekki með netið heima, en ég á góða að sem eiga góðar tölvur og góðar nettengingar ;) svo þetta ætti allt að fara að koma, anyways .. myndir myndir..

Bleeeeeeeesuð öll saman!
Nú styttist í fyrstu útileguhelgi ársins og ætla ekki örugglega sem flestir að fjölmenna á Skóga?
Djammið á Skógum síðasta sumar var algjör snilld og ég sárvorkenni þeim sem misstu af því. Þetta verður ekki síðra í ár ef marka má skógarsíðuna, www.skogar.tk
Það væri allavegna snilld ef sem flestir í bekknum og vinir þeirra myndu fjölmenna því það er alltaf skemmtilegast þar sem maður þekkir helling af fólki. Nú þegar hafa fullt af hetjum boðað komu sína t.d. Víkingur, Ringa, Kata, Ég, Dolli, Kenneth og svo 2. árs hetjur á borð við Helga Ba, Trausta, Bjarna, Ingunni, Heiðrúnu og Betu Becks svo e-ir séu nefndir.

Allavegna hvet alla til að mæta og þótt þið séuð ekki alveg 100% þá er samt fínt að skrá sig fyrir miða (ekki bindandi!!). Miðana þarf ekki að borga fyrr en í vikunni fyrir þannig að ekkert stress í þeim efnum.

Er farin að hlaða inn myndum á síðuna mína. Er komin með fyrstu sex dagana - þvílíkt magn! Kíkið á:

http://pg.photos.yahoo.com/ph/totasigur/my_photos

Svo vil ég óska Soffíu - og Katrínu - til hamingju með afmælið!!!

jæja ég ætla að vona að liðið sé að skríða aftur saman eftir allt ruglið. Ég hef aðeins litið á vídeóspólurnar og tel þetta ágætis hráefni í fyrirmyndarvídeó, ef e-r laumar á samskonar vídeóklippum og begga er með á sinni síðu, þá má sá hinn sami gefa sig fram.

Heyr heyr Unnur!

...en á einhver betri mynd af Tuma!?!

VELKOMIN HEIM!!!
Þið getið ekki trúað því hvað ég saknaði ykkar mikið. Nú er bara að halda partý sem fyrst svo ég geti séð í smettin á ykkur ;)

Á einhver hakkísakk bolta? Endilega kippa honum með þá, við verðum að hafa eitthvað að gera á flugvöllunum þegar við þurfum að vera að bíða eftir flugum (ekki moskító samt).

Vesturnílarveiran (e. West Nile Virus) telst til sama hóps veira og þær sem valda beinbrunasótt og gulusótt. Um er að ræða RNA-veirur sem berast á milli hýsla með skordýrum. Vesturnílarveiran greindist fyrst árið 1937 í Úganda og er í dag nokkuð algeng í mönnum, fuglum og öðrum hryggdýrum í Afríku, Vestur-Asíu og í Miðausturlöndum. Hún er einnig þekkt í suðurhluta Evrópu.

Vesturnílarveiran berst í fólk ef það er bitið af sýktum moskítóflugum (aðallega af tegundinni Culex pipiens). Moskítóflugurnar sýkjast þegar þær sjúga blóð úr sýktum fuglum. Margar fuglategundir hafa greinst sem millihýslar fyrir veiruna en í New York er talið að gráspör (e. house sparrow), algengur spörfugl í görðum borgarbúa, sé helsti millihýsillinn. Veirunni fjölgar í þessum fuglum í um fimm daga eða lengur þannig að ef þeir eru bitnir af moskítóflugum á þeim tíma sýkjast þær. Ef sýktar flugur bíta síðan og sjúga blóð úr fólki eða dýrum sprautast veiran í blóðrás fórnarlambsins. Meðgöngutími sjúkdóms, það er sá tími líður frá því að maður fær veiruna í sig þar til sjúkdómseinkenni koma fram, eru 2-17 dagar.




Um 80% þeirra sem smitast af vesturnílarveirunni fá engin einkenni sýkingar. Langflestir þeirra sem veikjast fá svokallaða vesturnílarhitasótt. Einkenni hennar eru hiti, höfuðverkur, slen, beinverkir og í sumum tilfellum húðútbrot á búknum ásamt bólgnum eitlum. Hitasóttin getur varað allt frá fáeinum dögum til nokkurra vikna.

Áætlað er að einn af hverjum 150 einstaklingum sem smitast (eða innan við 1%) fái vesturnílarveiki sem er mun skæðari en hitasóttin. Einkenni vesturnílarveiki koma fram á taugakerfinu sem heilabólga, heilahimnubólga eða mænuveiki. Þessu fylgja höfuðverkur, stífur háls, ógleði og uppköst, hár hiti og lömun.

Rétt er að geta þess að vesturnílarhitasótt þróast ekki yfir í skæðu veikina heldur veikjast einstaklingar annað hvort af hitasóttinni eða skæðara afbrigðinu, vesturnílarveikinni.



Fólk á öllum aldri getur orðið alvarlega veikt af vesturnílarveirunni. Einstaklingar sem komnir eru yfir fimmtugt og í sumum tilfellum einstaklingar með ónæmisbælingu (til dæmis þeir sem hafa farið í líffæraígræðslu) eru þó í mestri hættu á að veikjast alvarlega af völdum vesturnílarveirunnar.

Eins og áður sagði er það aðeins lítill hluti smitaðra sem fær einhver einkenni. Ekki er þó hægt að vita fyrirfram hvort viðkomandi er í þeim hópi eða ekki. Fái sýktur einstaklingur einkenni vara þau oftast í nokkra daga, þótt í sumum tilfellum, jafnvel hjá hraustu fólki, geti þau varað í nokkrar vikur. Einkenni skæðrar sýkingar geta varað í nokkrar vikur og áhrif á taugakerfið geta verið varanleg.

Líkt og með aðrar veirusýkingar er lítið hægt að gera við smiti af vesturnílarveirunni annað en að bíða eftir að ónæmiskerfið vinni bug á sýkingunni. Að sjálfsögðu má lina ýmis einkenni, eins og höfuðverk og beinverki, með verkjalyfjum en engin lyf eru til sem lækna sjúkdóminn sjálfan.

Besta vörnin gegn sýkingunni er að gera ráðstafanir til að draga úr hættu á moskítóflugubiti. Gæta þess að vera ekki úti með bera útlimi, nota flugnafæluefni, hafa flugnanet í gluggum og þurrka upp vatn þar sem moskítóflugur tímgast.

Ekki er vitað til þess að vesturnílarveiran hafi borist til Íslands.

Ekki enn... fyrr en verkfræðicoolistar í HI lögðu land undir fót og Afríka varð fyrir valinu ;).

Jói litli er sá klárasti í bekknum, og er alltaf fyrstur að klára prófin og spurningarblöðin. Svo að hann hafi nú eitthvað að gera, eftir að hann var fyrstur búinn að svara spurningarblaði kennarans, ákvað kennarinn að spyrja hann aukaspurningar.
"Jói minn, þú ert nú svo klár, að ég ætla að spyrja þig einnar aukaspurninar. Það eru 5 fuglar á grein, þú ert með byssu og skýtur einn fuglinn, hvað eru þá margir fuglar eftir?"
"Enginn", svarar Jói.
"Hvað meinar þú... enginn?", spyr kennslukonan?
"Já, einn drepst, dettur til jarðar og hinir fljúga í burtu" segir Jói

Kennslukonan kinkar kolli og segir "svarið átti nú að vera 4, en mér líkar hvernig þú hugsar" Örstuttu seinna réttir Jói litli upp hendi.
"Já Jói"
"Má ég spyrja þig einnar spurningar?"
"Endilega" segir kennslukonan.
"Ókei, 3 konur standa við ísbíl, og allar eru búnar að kaupa sér ís, ein af þeim sleikir ísinn, ein af þeim bítur í ísinn og ein af þeim sýgur ísinn. Hver þeirra er gift?"
Spyr Jói, Kennslukonan roðnar og segir,
"Eee....ég veit ekki alveg, ætli það sé ekki sú sem sýgur ísinn?....eða eitthvað"
"Neeiiii" segir Jói litli, "það er sú sem er með giftingarhringinn, en mér líkar hvernig þú hugsar"

Ég hef öruggar heimildir fyrir því að skipstjórinn á Nile Ritz hafi sex putta á vinstri hendi. Hann hefur ábyggilega verið gerður að skipstjóra af því hann kunni að telja upp í ellefu.

Vildi bara deila þessu með ykkur. Þetta er að eyðileggja próflesturinn fyrir mér. Frænka mín leysti þetta á 7 mínútum, en ég sat í svona 45 mín. í gær og reyndi án árangurs. Kannski var það lengur, ég ætlaði að taka tímann en var búinn að gleyma því hvað klukkan var þegar ég byrjaði þegar ég gafst upp!

Ég vil bara minna fólk á þetta:

Hvað finnst ykkur um setningar eins og...

Ef Reykjavíkurborg stendur sig ekki í skipulaginu þá verður hún eins og Raufarhöfn eða Þórshöfn Evrópu (ritað í bók).

Það kostar bara of mikla peninga að halda úti landsbyggðinni...

Af hverju að hafa flugvöllinn í miðbænum, hann er hvort eð er svo lítið notaður og af algjörum minnihlutahóp...

Möðrudalsöræfi, sem eru á milli Skagafjarðar og Eyjafjarðar...

Merkti Lagarfljótið inn á kort sem Jökulsá á Dal og setti það inn í bók sem hann sjálfur gaf út.

Þétting byggðar...

Boy oh boy... ég er að fara í próf hjá þessum manni á morgun. Það á að banna próf sem byggjast á skoðunum annara, sérstaklega skipulagsfræðinga. Ég vil staðreyndir og ekkert annað!!!

Valsson ...Trausti Valsson

Flaug engill yfir!?!

Já - skemmtilegir fyrirlestrar hjá ykkur krakkar!

Jæja! Eru ekki allir búnir að fá svona eins og 5 sprautur í rassinn? Við öllum fjáranum, það hlýtur að duga! Vonum það að minnsta kosti :)
Ég hef ákveðið að halda risa Eurovision partý og ykkur er hér með öllum boðið. Er ekki einhver sem vill koma? Ferðin ykkar er farin að nálgast óðfluga og nú fer að verða erfiðara og erfiðara að vera ekki að fara með :( Ég mun reyna öll brögð til að fá ykkur til að skreppa bara túr til Evrópu. Hvernig væri að við myndum skreppa til Kiev og mæta bara í Eurovision? Við gætum tekið stuðningslagið fyrir Selmu: Selma, Selma, Selma, Selma, Selma... Við erum nú í góðri æfingu ;)

Verðið þið nokkuð mikið í Kaíró? Vona að þetta komi ekki fyrir ykkur! (Ein sem langar alveg að koma með)

Ég vil biðja fólk að hafa hemil á sér þegar við komum til Egyptalands svo að einhverjir lendi nú ekki á sjúkrahúsi eins og þetta ágæta par ;)

Væri ekki tilvalið að halda fjáröfluninni áfram eftir að til Afríku er komið? Við fáum íslenska ríkið til að borga flutningsgjald á bílnum hans Drésa út, það ætti ekki að vera erfitt ef við lofum að koma ekki með hann til baka. Minni hljóðmengun, minni sjónmengun, minni loftmengun.. hmm.. yrði ísland ekki bara nánast sjálfbært með þessum aðgerðum? Við værum amk að mæta þörfum núverandi kynslóða án þess að takmarka lífsafkomuleika komandi kynslóða og rúmlega það ;)

Samkvæmt myndinni ættum við að geta komið um 50 manns fyrir á pallinn í einu .. við ættum alveg að geta grætt slatta á sýnisferðum um mombasa..

Er þetta ekki bara málið fyrir Afríkuferðina? Pant ekki ég!

Ég var að setja inn myndir frá árshátíðinni á myndasíðuna mína, loksins! Það er kominn tengill inn á hana hér til vinstri. Fullt af fínum myndum ;)

Jæja, þetta gengur nú ekki lengur! Hvar eru allar skemmtilegu bloggfærslurnar?!? Maður spyr sig, eins og Gyða segir ;)
Annars þakka ég bara fyrir frábæra árshátíð. Það var svoooooo gaman! Svo er spurning hvað er næst á dagskrá, kannski við höldum video-kvöld í bráð... Hvað langar ykkur að sjá? Það er ennþá svo rólegt í skólanum hjá ykkur að við verðum að finna okkur eitthvað skemmtilegt að gera. Hvernig væri líka að reyna að komast í sumarbústaðaferð aftur? Bara fullt af hugmyndum! Koma svo og commenta...

WAZUP!!!
Bíókvöld í 3. árs stofunni í kvöld (þriðjudag 1. mars) kl 20. Á dagskrá er stórmyndin "Million dollar Baby" sem hrifsaði til sín helstu óskarsverðlaunin, m.a. Besta mynd, besti leikstjóri, besta leikkona í aðalhlutverki, besti leikari í aukahlutverki og eflaust e-ð fleira.
Heyrst hefur að skúringarstelpan ætli að mæta.

uh já, og fólk er að tala um skyldumætingu!!!

Ég á afmæli í dag og óska eftir hamingjuóskum við fyrsta tækifæri!
Svo er skyldumæting í stál og tré á morgun því það verður kaka eftir tímann (kl. 12:15) þ.e.a.s. ef mér tekst að baka eitthvað annað en vandræði núna á eftir.
Kveðja VGK (Víkingur Guðmundsson Kökumeistari)

Yo wazup!
Líður að lokum söfnunarinnar og vildi ég bara ykkur söfnunarsnillingana á þrennt:

1. Fá auglýsingarnar hjá þeim fyrirtækjum sem voru ekki með auglýsingar í fyrra.
2. Tala við þau fyrirtæki sem voru ekki búin að gefa ykkur svar.
3. Double checka hvort það sé e-ð fyrirtæki sem á eftir að fara í í ykkar hverfi.

Við erum í um 3 millum eins og staðan er núna en ég er bjartsýnn að ef allir leggjast á eitt nú undir lokin þá náum við 4 millum sem væri stórglæsilegt.
200 þús af 300 þús króna ferð væri snilld!

Hò hò
Smà skìdakvedja frà ìtalìu. Er baedi bùin ad vera ì Sviss og ìtalìu ì dag. Vona svo ad einhver gòdhjartadur geymi fyrir mig verkefni 4 ì stàl og trè. Hef ekki haft tìma fyrir svoleidis vitleysu! Hlakka til ad sjà ykkur.

Góðan og blessaðan...
Vildi bara láta ykkur vita að næst þegar þið sjáið mig, komið þið bara til með að sjá wreskatið á mér. Ástæðurnar eru tvær:
1) Ég verð búinn að vera samfellt í fjóra daga í mat hjá mömmu.
2) Ég verð kominn svo langt fram úr ykkur í kapphlaupinu til Afríku.

Takk fyrir túkall!

Jæja, krakkalakkarnir mínir!

Þúsund þakkir fyrir frábært kvöld í gærkvöldi. Þetta var algjört brill! Ómetanlegt að sjá Jónas og Gróu liggja í faðmlögum á gólfinu og Bjarna "tré" í djörfum dansi við Írisi ;) Þetta var svakalega vel heppnað, nema Ámundi hefði mátt sýna svona eins og 200 færri myndir! Til að vera nákvæm þá voru þær 272 sem við fengum að sjá, næstum jafn oft og Rennen sagði "coordinate system" í einum fyrirlestri - and that's a lot!!! Tökum ofan fyrir okkar frábæru stjórn sem gerði þetta kvöld ógleymanlegt!

P.S. Klukkan er átta mínútur í fimm ;)

jæja hérna er kennslumyndband um hvernig ekki á að staupa, nema að mar ætli að leika dreka í leiðinni!!

"Shaun of the Dead" verður sýnd á breiðtjaldi í stofunni okkar á fimmtudagskvöldið kl. 20:30. Koma með popp og kók ;)

Sælir Afríkufarar
Á föstudaginn verður fundur vegna komandi auglýsingaöflunar blaðsins
okkar, "Upp í vindinn". Þar verður farið yfir skipulag auglýsingaöflunar
og er lykilatriði að allir mæti á fundinn með góða skapið.
kv. Tumi og Þórólfur

Það sem fer hér á eftir er spurning sem sett var fram á miðvetrarprófum í efnafræði við University of Washington háskólann. Svar eins nemandans var svo stórkostlegt að prófessorinn ákvað að leyfa öðrum að njóta þess.

Aukaspurning: Gefur helvíti frá sér hita eða tekur helvíti til sín hita.

Flestir nemendur settu niður staðhæfingar og reyndu að sanna niðurstöður sínar með tilvísun í lög Boyles sem segja að gas kólni undir minnkandi þrýstingi en hitni undir auknum þrýstingi.

En einn nemandi skrifaði eftirfarandi: Í fyrsta lagi þá þurfum við vita hvernig massi helvítis breytist í tíma. Þess vegna þurfum við að vita tíðni þess að sálir fari inn í helvíti og tíðni þess að sálir fari úr helvíti. Ég tel þó að við getum gengið út frá því að ef sál fer einu sinni inn í helvíti þá kemur hún ekki út aftur og þar með sleppi engar sálir úr helvíti.

Hinsvegar til að áætla hversu margar sálir fara inn í helvíti er rétt að skoða mismunandi trúarbrögð í heiminum í dag. Flest þessarar trúarbragða halda því fram að ef þú ert ekki hluti af þeirra trú, þá farir þú til helvítis. Þar sem það eru fleiri en ein trúarbrögð í heiminum og þar sem fólk tilheyrir ekki fleiri en einum trúarbrögðum í einu, má ganga útfrá að allar sálir fari til helvítis.

Miðað við tíðni fæðinga og dauða eins og það er í dag má reikna með að sálum í helvíti fjölgi með ógnarhraða. Nú skulum við líta á breytinguna á stærð helvítis, því lög Boyles segja að til þess að hiti og þrýstingur í helvíti haldist sá sami, verður stærð helvítis að stækka í samræmi við fjölda sálna sem bætast við.

Þetta gefur okkur tvo möguleika:

1. Ef helvíti er að stækka með minni hraða en tíðni sálna sem bætast við þá hlýtur hiti og þrýstingur að hækka þar allt fer til helvítis.

2. Ef helvíti er að stækka hraðar en aukning sálna sem inn í það fer, þá hlýtur hiti og þrýstingur í helvíti að minnka þar til helvíti frýs. Þannig, hvort er það ?

Ef við skoðum staðhæfingu sem Guðrún bekkjasystir mín setti fram við mig þegar ég var í fyrsta bekk: "Það verður kaldur dagur í helvíti áður en ég sef hjá þér", og ef tekið er tillit til þeirrar staðreyndar að hún svaf hjá mér í gær þá hlýtur númer 2 að vera svarið. Þannig að ég held því fram að helvíti gefi frá sér hita og sé í reynd þegar frosið.

Hin hliðin á þessari kenningu er að þar sem helvíti er þegar frosið og taki ekki við fleiri sálum, þá er eini valkosturinn sá að allar sálir fari til himna og sanni tilvist eilífrar sæluvistar, og það útskýrir að í gærkvöldi kallaði Guðrún hvað eftir annað "Ó guð, Ó guð".

Þessi nemandi var sá eini sem fékk A.